వేంకటేశ్వర‍ స్వామి విష్ణువు అవతారమేనా !

 మహాభక్తుడు అన్నమయ్య ఓ కీర్తనలో చెప్పాడు .. ఎవరు ఎలా చూస్తే వేంకటేశ్వర‍ స్వామి వారు ఆ దేవుడిలా కనపడతాడు అని. 

వైష్ణవ మతానికి సంబంధించి రెండు ఆగమాలు ఉన్నాయి. వైఖానసము‍ , పాంచరాత్రం.

ఈ రెండు ఆగమాలు విష్ణువు విగ్రహాలు ఏ లక్షణాలతో ఉండాలో చెబుతాయి. అయితే వేంకటే‍శ్వర స్వామి వారి విగ్రహం ఈ ఆగమాల్లో చెప్పిన లక్షణాలు కలిగి ఉండదు. 

అందువల్ల స్వామివారిని విష్ణుమూర్తి కారని ఎందరో ఈ నాటికీ అంటుంటారు. 

రామానుజులవారు బ్రతికి ఉన్న కాలంలో శైవులు స్వామివారు శివుడని చెప్పి బలవంతంగా అర్చకులను తరిమేసి గుడిని ఆక్రమించుకున్నారు. కొన్ని రోజులు స్వామివారికి శైవపూజలు జరిగాయి. 

అది తెలిసి రామానుజులు తిరుమలకు విచ్చేశాడు. 

ఆ ప్రాంతాన్ని పాలిస్తున్న యాదవరాజు న్యాయనిర్ణేతగా గొప్ప సభ జరిగింది. 

శైవాచార్యుడు, రామానుజుల మధ్య గొప్ప వాదప్రతివాదం జరిగింది. 

రామానుజుల వాదన గెలిచింది. 

యాదవరాజు స్వామివారు విష్ణువు అవతారమే అని తీర్పు చెప్పారు. 

భవిష్యత్తులో ఇలాంటి కలహం రాకూడదని రామానుజులు ఆలోచించి స్వామివారి హృదయానికి బంగారు లక్ష్మీదేవి బొమ్మను అమర్చాడు‍. స్వామివారి‍ రెండు భుజాలకు శంకు చక్రాలను ఏర్పాటు చేశాడు. 

అందుకే రామానుజార్యులను వేంకటేశ్వర‍ స్వామి వారికే‍ గురు స్థానంలో ఉంచారు.

తిరుపతి పట్టణానికి పునాదిరాయి వేసింది కూడా రామానుజులే. 

- సాయికిరణ్ పామంజి